فاكر ... بقلم الكاتب المبدع الأستاذ/ وائل سعيد

 فاكر ...

لما كنا زمان في دار

الكل عيلة موحدة

نتلم حلقة ساعة الفطار

طعمية سخنة مولعة

والفول بزيته في إنتظار

إيدين كبيرنا تقلبه

ولا الرخيف كان إبتكار

دلوقتي عملة نادرة

تكلوا تحس بانبهار

والريحه

في الأودة مشعشعة

والجبنة عاملة كام سونار

في الصحن نجمة ساطعة

والشاى على نار السولار

ترياق لأكلة نافعة

فطارنا كان له وقار

دلوقتي أصواتنا مسمعة

كل العمارة وكل جار

نصحي في عيال مدلعة

نترجى فيهم قوم للفطار

يفتح عينين ومدمعة

سيبني أنام طول النهار

سهران لأجل الجامعة

الكل نايم في إنشطار

هواتفهم سخنة مولعة

فطارهم كان في الزنجابار

تيك توك فيس ومسقعة

والصحة ماشي في إنكسار

جتة بمفاصل ومخلعة

كان الفطار وقود للنهار

لقمة هنية مشبعة

.......وائل سعيد .....