حفنة زجل ... بقلم الكاتب المبدع الأستاذ/ محمد الحنيني
حفنة زجل--
الجزء الثاني من ديوان -دموع على الغيوم
----------محمد الحنيني
---
1-معقول سكران وأنا ما شربت
معقول في الجنة وأنا ما تبت
معقول حبلى في شهرها البنت
معقول تطلع عاريه هالست
معقول ما تتخلى عن النت
معقول صرنا بوقت غير الوقت
معقول صار العسل مثل الزفت
معقول انخنقنا من الكبت
معقول صرت أنت ما هو إنت
معقول أنباع وأنا ما بعت
يلعنها من عيشه --وين الموت
---
2-شفت حلم --بقول حلم عن صاحبي
مخبوط على راسو بالبسطار
مرة وقول مرتين بين الناس
والكل شايف ظلم هالمختار
صرخت مش معقول قال الكل
إنس ولا تسأل عن اللي صار
معقول أتفرّج ع هذا الظلم
وأظل مُوطّي راسي زي الحمار
مظلوم والله هذا صاحبي
المخبوط على راسو يا أخيار
ما -حد - سمعني--وأغمضوا العيون
ومن بعد ها المختار باع القرية
وطردهم واحد واحد من الدار
---
يتبع
مع تحيات-محمد الحنيني
Comments
Post a Comment