صورة قديمة ... بقلم الكاتب المبدع الأستاذ/ مجدي زيادة

 صورة قديمة 

....

على الرف عندي 

كراريس قديمة وكام كتاب 

والحبارة والمقلمة

 وأوراق كتيرة 

وكام جواب 

وحاجات كتير 

بتحكي ماضي له سنين 

مع صحبة حلوة 

لما كنا لسه شباب...

إيه.. ياريتها دامت 

أيام الشباب ....

خدني الحنين مديت اديا 

جت في ايدي 

 كراسة الحساب 

فتحتها لقيت صورة قديمة 

بتحكي حكاوي 

عني أنا والصحاب 

فينا اللي عايش 

والدنيا واخداه 

ومنا اللي مات واندفن 

تحت التراب 

بس تعرف ؟

إللي ماتو سابو ذكرى 

في القلوب 

ذكرى تكتب كام كتاب 

واللي عايش 

عايش في حالو 

عايش بيسعى 

على قوت عيالو 

عايش عمره في اغتراب..

  مجدى زياده. مصر