طول عمرك يا مصر ... بقلم الكاتب المبدع الأستاذ/ عصام أبوالدهب
طول عمرك يامصر
حماله الاسية
شايله همك وهم غيرك
دايما أد.المسئولية
ولا فى يوم قلتى الآه
أو الحمل تقل عليا
او بزياده همى وهم عيالى
ده كفايه عليا
إيدك دايما بالخير
ممدوده
لكل من كان
كانت فى ضيقه
وحوجه
واسألوا التاريخ
وقلبوا صفحاته
وكلام ربنا عنها
في قرآنه
مصر طول عمرها
ام الكرم والجوده
فيها خزائن الارض
موجوده
واسالوا يوسف
لما كان بيكيل
و يعطى اخواته
ويشيل
من خير مصر
وروما
مين كان بيسد
جوعها
تيجى سفاين القمح
فرده قلوعها
تعبى وتحمل
وعمر لما
فى زمن القحط
استغاث
لقا عمرو
بالخير ايده ممدوه
واسالوا عبد الملك
قبة الصخره
منين بناها
والكعبة مين كان
بيكسيها
وتخرج كسوتها
وصرة المال للحرم
فى زفة مشهوده
هيه دى مصر يا ناس
ام الكرم والجوده
عصام أبوالدهب
Comments
Post a Comment