مين معايا ... بقلم الكاتب المبدع الأستاذ/ وائل سعيد

 مين معايا ............... وائل سعيد 

----------------------------------------------

لو قلت يوم مين معايا

ألاقى كل الكون شظايا

وشوش ما تعرف غير تغش

وغرضها بس مص في دمايا

لو غبت عنها بألف وش

وساعة لقايا صورة في مرايا

عاز مني حاجة يفضل يوش

وطلبي منه جنحة وجناية 

ما يفك زانقة وفاضي ينش

ويزوغ ماييجي مشوار معايا

أسراري عنده خبر فى دش

وسره كامن جوا في حشايا

خاد مني لما كنت ريتش

دلوقتي همه ضربي في قفايا

يا دنيا ليه بقيتي مش

والغدر هو بطل الرواية

........ وائل سعيد ......