شوفوا الحلوة … بقلم الكاتب المبدع الأستاذ / محمود عجور
شوفوا الحلوة
بتتغنى بجمالا
دقة قلبي
بتنده يا نيالا
ضحكة وبسمة
ومراية اللي قبالا
والدني ولعاني
وهي ما عبالا
يخرب بيتا
بهالطلة الممشوقة
سحرت قلبي
من الفجر عم بوعى
بهالشمس مستني
ناطر أنا رجوعا
قدمتلا هدية
وردة ومزهرية
وقلبي مع غنية
علي شافت حالا
من ميلي لميلي
عم ببرم يا ويلي
نهاري أنا وليلي
عم فتش عخيالا
هالبنت العشقاني
والله محيراني
والنوم مجفاني
وهي ما عبالا
هالقمر بالعالي
نجمة وعم بتلالي
حبها والله غالي
بالهوا طاير شالا
لا يا قلبي لالا
عم تضحك عحالا
هالدنيا دوارة
ما بتتركها بحالا
علي شافت حالا
بقلمي محمود عجور
Comments
Post a Comment