يا سامح ... بقلم الكاتب المبدع الأستاذ/ هادي عيسى مخلوف

 يا سامح في #لميمة ڨلبها مصهود**

تبع راي مرتك ناسي الحنانة

سهرت عليك ليالي وناس رڨود** 

وشحال هموم ياما رفدت هانة

تسعة شهر في جسمها مرفود**

وعامين حليب صدرها روانا

يا غالط خير الام ماهو معدود**

طيعها قبل ما تسكن الجبانة

فرحت بزواجك واليوم عنها مفقود**

داتك عنها ذيك الشيطانة

الخير لي دارتو فيك راهو مجحود**

ولا نساتك فيه هذيك فلانة

نحكي عليك يا عاصي لميمة مقصود**

فيق لروحك شوفها حيرانة

مرتك أمها تضرب عليها البارود**

وامك لايحها في العجزة والحضانة

الدنيا دلات وتعيا من بيتك مطرود**

وانت مديك حب مولات الخانة

دمعت لميمة جرحة لخدود**

وانت ڨاسي مافي ڨلبك حنانة

حاشا بنت الاصل ولي عندها جدود**

ولي تخاف من ربي مولانا

قالت أما وامو منها ماهو مشدود**

عجوزتها  معاها عايشة سلطانة

 خطينا الدين  وتبعنا خدمت ليهود**

صماطت الدنيا ما رجعت فيها رزانة

الدنيا فانيا وغدوة كامل يكلنا الدود**

ولمخير فينا  يتدفن بكتانة

تعبان وهم العايلة ياسر عيانا 

كبرت يا لي البارح بين يديها مولود**

لميمة ڨالت وليدي راح وخلانا

حسباتك صابة  وانت كي العجرود**

ولا كي الطير وانت هامة طيرانا 

ربي حفظلي ميمتي وامهات الجزائر لحي ربي طول في عمرها ولماتو ربي يرحمهم