عريس ... بقلم الكاتب المبدع الأستاذ / زهير دوفش سعيد
بعمر ١٦ سنة؛ كتبت هذه الأبيات عن عيلة فقيرة.كانت تقيم بجوارنا ..
""""""""""""""""""""""""""""""
عريس
ميه ميتين مع صاحبنا
صار بدو يتجوز
بنت أرمله حي يلا
المهم بدو يتجوز
سنه وشهور وأيام
خلاصة صاحبنا
اتجهز
ليلة العرس ماأحلاها
حب وراحة ولا
أميز.
العروس فقيرة متلو
من عيلة عدمانه.
قبلت فيه ومن القلة
مالها ندمانه.
سنة مرت ع الجازة
خلفو بنت سموها
ياسمين.
صارو تلاته هالمساكين
يوم بياكلوا ويوم جوعانين
شو بدهن يعملو ماشي
الحال عايشين
سنة تانيه صارو أربعة
شرف ولي العهد ياسين
وبعد سنين وسنين
أخواتهن صبحية ونسرين
همهم زاد مدارس ولبس
ودوا.. وأسبرين
يوميته المعتر خمس ليرات
والعيد جاي
ع الباب
حسرة ع حظ هالولاد
مامعو يشتريلهم تياب
والمعترة مرته المسكينه مدبوحة بألف سكينه
من سنين ماشترت فستان
وبرحمها في بيبي كمان
وعم تتوحم ع الرمان
بغير الوقت والآوان.
اشتغلت خدامة ببيت
فلان وعلتان
ولادهن كبرت مصاريفهن
وصار الأسعار بالميات
ومامعوهن بجيبتهن ليرات
المعتر يادوب يجبلن طبخه
من سنين طويله مابيعرفوا طعمة اللحمه والفرخة
كاتمين بقلبهن الهم
وجوات صدرهن الف صرخه
صرخة قلة وجوع وحرمان
انتشروا ولاده بالحارات
محارم جرايد دخان.
عطورات
وزادت البلة بلات
أبوهن أخيرآ شاف حل
خدامة ببيت الجيران
حلوة وبيضة متل الفل
ابتسمتله مره ومرتين
نادتله ياسيد الكل
جن جنونه هالفهمان
وقرر يتجوز كمان.
زهير سعيد دوفش
Comments
Post a Comment